aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHamoshi mein chhupe lafzon ke huliye yaad aaenge

Sardar Saleem

KHamoshi mein chhupe lafzon ke huliye yaad aaenge

Sardar Saleem

MORE BYSardar Saleem

    ḳhamoshī meñ chhupe lafzoñ ke huliye yaad ā.eñge

    tirī āñkhoñ ke be-āvāz lahje yaad ā.eñge

    tasavvur Thokareñ khāte hue qadmoñ se uljhegā

    ubhartī Dūbtī manzil ke raste yaad ā.eñge

    mujhe ma.alūm hai dam toḌ degī āgahī merī

    jo lamhe bhūlne ke haiñ vo lamhe yaad ā.eñge

    kabhī apne akele-pan ke baare meñ jo sochoge

    tumheñ TuuTe hue kuchh ḳhaas rishte yaad ā.eñge

    kuchh aisā ho ki tasvīroñ meñ jal jaa.e tasavvur bhī

    mohabbat yaad aa.egī to shikve yaad ā.eñge

    jo terā jism chhū kar merī sāñsoñ meñ samāte the

    har aahaT par vahī ḳhushbū ke jhoñke yaad ā.eñge

    bhale aurāq-e-māzī chaaT jaa.e vaqt dīmak

    jo qisse yaad aane haiñ vo qisse yaad ā.eñge

    jahāñ tum se bichhaḌne sabab āñkheñ bhigo.eñge

    vahīñ apnī mohabbat ke vasīle yaad ā.eñge

    'salīm' āḳhir ga.e vaqtoñ qabreñ khodiye kyūñ-kar

    dil-e-māsūm ko apne khilaune yaad ā.eñge

    KHamoshi mein chhupe lafzon ke huliye yaad aaenge

    teri aankhon ke be-awaz lahje yaad aaenge

    tasawwur Thokaren khate hue qadmon se uljhega

    ubharti Dubti manzil ke raste yaad aaenge

    mujhe malum hai dam toD degi aagahi meri

    jo lamhe bhulne ke hain wo lamhe yaad aaenge

    kabhi apne akele-pan ke bare mein jo sochoge

    tumhein TuTe hue kuchh KHas rishte yaad aaenge

    kuchh aisa ho ki taswiron mein jal jae tasawwur bhi

    mohabbat yaad aaegi to shikwe yaad aaenge

    jo tera jism chhu kar meri sanson mein samate the

    har aahaT par wahi KHushbu ke jhonke yaad aaenge

    bhale auraq-e-mazi chaT jae waqt ki dimak

    jo qisse yaad aane hain wo qisse yaad aaenge

    jahan tum se bichhaDne ka sabab aankhen bhigoenge

    wahin apni mohabbat ke wasile yaad aaenge

    'salim' aaKHir gae waqton ki qabren khodiye kyun-kar

    dil-e-masum ko apne khilaune yaad aaenge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now