KHanjaron ki jahan dhaaron pe gale rakkhe the

ḳhanjaroñ kī jahāñ dhāroñ pe gale rakkhe the

zindagī ke vahāñ tohfe bhī saje rakkhe the

bāñTne niklā thā vo shaḳhs ujāloñ kī zakāt

jis ke ghar ke diye maqtal meñ bujhe rakkhe the

ek zālim kī himāyat kā ye niklā anjām

ghar pe pahuñchā to mire haath kaTe rakkhe the

chor ḳhud aan ke us ghar meñ bahut pachhtā.e

jin meñ paanī bhī na thā ulTe ghaḌe rakkhe the

ghar ke tāqoñ meñ the miTTī ke purāne bartan

un meñ daulat kī jagah faaqe bhare rakkhe the

hākim-e-shahr ne is jurm meñ phāñsī de dī

naam bachchoñ ke ġharīboñ ne baḌe rakkhe the

le ga.e un ko amīroñ ke pakaḌ kar bachche

chaar jugnū jo ujāloñ ke liye rakkhe the

KHanjaron ki jahan dhaaron pe gale rakkhe the

zindagi ke wahan tohfe bhi saje rakkhe the

banTne nikla tha wo shaKHs ujalon ki zakat

jis ke ghar ke diye maqtal mein bujhe rakkhe the

ek zalim ki himayat ka ye nikla anjam

ghar pe pahuncha to mere hath kaTe rakkhe the

chor KHud aan ke us ghar mein bahut pachhtae

jin mein pani bhi na tha ulTe ghaDe rakkhe the

ghar ke taqon mein the miTTi ke purane bartan

un mein daulat ki jagah faqe bhare rakkhe the

hakim-e-shahr ne is jurm mein phansi de di

nam bachchon ke gharibon ne baDe rakkhe the

le gae un ko amiron ke pakaD kar bachche

chaar jugnu jo ujalon ke liye rakkhe the