ḳharābe meñ mohabbat kā guzar hai ki nahīñ
ḳhair duniyā meñ ba-andāza-e-shar hai ki nahīñ
dekhiye aañkh mirī aaj bhī tar hai ki nahīñ
dil-e-mahzūñ pe mohabbat kā asar hai ki nahīñ
manzileñ aur bhī haiñ manzil-e-ulfat ke sivā
merī āshufta-mizājī ko ḳhabar hai ki nahīñ
ab to arbāb-e-junūñ ke liye sahrā hī nahīñ
vaj.h-e-taskīn tirī rāh-guzar hai ki nahīñ
nigah-e-nāz ke fitnoñ se ḳhayāl aatā hai
kabhī paiġhām-rasāñ un kī nazar hai ki nahīñ
bā-hama jaur-o-jafā zinda hai 'manzar' ab tak
ab bhī tū qā.il-e-e.ajāz-e-bashar hai ki nahīñ
KHarabe mein mohabbat ka guzar hai ki nahin
KHair duniya mein ba-andaza-e-shar hai ki nahin
dekhiye aankh meri aaj bhi tar hai ki nahin
dil-e-mahzun pe mohabbat ka asar hai ki nahin
manzilen aur bhi hain manzil-e-ulfat ke siwa
meri aashufta-mizaji ko KHabar hai ki nahin
ab to arbab-e-junun ke liye sahra hi nahin
wajh-e-taskin teri rah-guzar hai ki nahin
nigah-e-naz ke fitnon se KHayal aata hai
kabhi paigham-rasan un ki nazar hai ki nahin
ba-hama jaur-o-jafa zinda hai 'manzar' ab tak
ab bhi tu qail-e-eajaz-e-bashar hai ki nahin
Source:
Yaadon Ki Dehleez (Pg. 107)
-
Author:
Syed Manzar Hasan Desnavi
-
- Publisher: Adshot Publications, Mumbai
- Year of Publication: 2005
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.