KHat mein kya kya likhun yaad aati hai har baat pe baat

Basir Sultan Kazmi

KHat mein kya kya likhun yaad aati hai har baat pe baat

Basir Sultan Kazmi

MORE BYBasir Sultan Kazmi

    ḳhat meñ kyā kyā likhūñ yaad aatī hai har baat pe baat

    yahī behtar ki uThā rakhkhūñ mulāqāt pe baat

    raat ko kahte haiñ kal baat kareñge din meñ

    din guzar jaa.e to samjho ki ga.ī raat pe baat

    apnī bātoñ ke zamāne to havā-burd hue

    ab kiyā karte haiñ ham sūrat-e-hālāt pe baat

    log jab milte haiñ kahte haiñ koī baat karo

    jaise rakkhī huī hotī ho mire haat pe baat

    mil na sakne ke bahāne unheñ aate haiñ bahut

    DhūñD lete haiñ koī ham bhī mulāqāt pe baat

    dūsroñ ko bhī mazā sunñe meñ aa.e 'bāsir'

    apne aañsū nahīñ kījiye barsāt pe baat

    KHat mein kya kya likhun yaad aati hai har baat pe baat

    yahi behtar ki uTha rakhkhun mulaqat pe baat

    raat ko kahte hain kal baat karenge din mein

    din guzar jae to samjho ki gai raat pe baat

    apni baaton ke zamane to hawa-burd hue

    ab kiya karte hain hum surat-e-haalat pe baat

    log jab milte hain kahte hain koi baat karo

    jaise rakkhi hui hoti ho mere hat pe baat

    mil na sakne ke bahane unhen aate hain bahut

    DhunD lete hain koi hum bhi mulaqat pe baat

    dusron ko bhi maza sunne mein aae 'basir'

    apne aansu ki nahin kijiye barsat pe baat

    Source :
    • Book : Urdu Gazal ka Magribi Daricha (Pg. 257)
    • Author : Dr. Jawaz Jafri
    • Publication : Kitab Saray, Lahore (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY