KHayal ban ke wo mujh mein utar bhi aata hai
ḳhayāl ban ke vo mujh meñ utar bhī aatā hai
ki rafta rafta duā meñ asar bhī aatā hai
jise talāsh hai ḳhush-rañg ābshāroñ kī
vo zaḳhm zaḳhm badan le ke ghar bhī aatā hai
charāġh ban ke chamaktā huuñ sañg-rezo meñ
savād-e-shab mujhe aisā hunar bhī aatā hai
na jism-o-jāñ kā añdherā na rāstoñ kā ġhubār
jo tū mile to ik aisā safar bhī aatā hai
lahū lahū jo rahā pattharoñ kī bārish meñ
galī galī vahī chehra nazar bhī aatā hai
use bhī pyaar ke mausam pasand haiñ 'jāzib'
safar kī dhuup meñ jalne shajar bhī aatā hai
KHayal ban ke wo mujh mein utar bhi aata hai
ki rafta rafta dua mein asar bhi aata hai
jise talash hai KHush-rang aabshaaron ki
wo zaKHm zaKHm badan le ke ghar bhi aata hai
charagh ban ke chamakta hun sang-rezo mein
sawad-e-shab mujhe aisa hunar bhi aata hai
na jism-o-jaan ka andhera na raston ka ghubar
jo tu mile to ek aisa safar bhi aata hai
lahu lahu jo raha pattharon ki barish mein
gali gali wahi chehra nazar bhi aata hai
use bhi pyar ke mausam pasand hain 'jazib'
safar ki dhup mein jalne shajar bhi aata hai
Source:
Shanasai (Pg. B-94 E-95)
- Author: Jazib Quraishi
-
- Edition: 1973-1954
- Publisher: Maktaba Kamran, Karachi
- Year of Publication: 1973
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
