KHayal-e-ghairat-e-nahid phir maiyyat-e-dil

ḳhayāl-e-ġhairat-e-nāhīd phir ma.iyyat-e-dil

so Dagmagāne lagī aaj phir se niyyat-e-dil

kuchh aur khultā chalā jaa.e hai gulāb-badan

kuchh aur gahrī huī jaatī hai aziyyat-e-dil

kise dikhā.iye kyā kyā the ḳhvāb āñkhoñ meñ

kise sunā.iye kyā kyā rahī mashiyyat-e-dil

ḳhushā ki toḌ ga.e vo bhī rishta-e-ummīd

so un ke baab meñ jaa.ez rahī ḳhashiyyat-e-dil

ye kyoñ uḌaa.ī ga.ī dhajjiyāñ haiñ ḳhvāboñ kī

ye hukm haa.e huā thā ki thī vasiyyat-e-dil

na jaane khoyā kahāñ hai vaqār-e-jāñ-afroz

na jaane soī kahāñ jā ke hai hamiyyat-e-dil

ye muflisī meñ bhī andāz shāhzādoñ ke

yahī to Thahrī hai me.arāj-e-āzmiyyat-e-dil

nasīb ho ga.ī dil ko bhī āḳhirash me.arāj

bikhar chukī jo har ik taur sālmiyyat-e-dil

KHayal-e-ghairat-e-nahid phir maiyyat-e-dil

so Dagmagane lagi aaj phir se niyyat-e-dil

kuchh aur khulta chala jae hai gulab-badan

kuchh aur gahri hui jati hai aziyyat-e-dil

kise dikhaiye kya kya the KHwab aankhon mein

kise sunaiye kya kya rahi mashiyyat-e-dil

KHusha ki toD gae wo bhi rishta-e-ummid

so un ke bab mein jaez rahi KHashiyyat-e-dil

ye kyon uDai gai dhajjiyan hain KHwabon ki

ye hukm hae hua tha ki thi wasiyyat-e-dil

na jaane khoya kahan hai waqar-e-jaan-afroz

na jaane soi kahan ja ke hai hamiyyat-e-dil

ye muflisi mein bhi andaz shahzadon ke

yahi to Thahri hai mearaj-e-azmiyyat-e-dil

nasib ho gai dil ko bhi aaKHirash mearaj

bikhar chuki jo har ek taur salmiyyat-e-dil