ḳhayāl-e-husn meñ yuuñ zindagī tamām huī
hasīn sub.h huī aur hasīn shaam huī
vaqār-e-ishq bas ab sar jhukā de qadmoñ par
udhar se tere liye sabqat-e-salām huī
har ek apnī jagah ḳhush har ik yahī samjhā
nigāh-e-ḳhās ba-tarz-e-nigāh-e-ām huī
nazar milī to tabassum rahā ḳhamoshī par
nazar phirī to zarā himmat-e-kalām huī
bas ab to tum ne mohabbat kā le liyā badla
muaaf karnā jo taklīf-e-intiqām huī
hai dekhne hī kā vaqfa jise samajhte haiñ
'razā' vo dhuup chaḌhī din Dhalā vo shaam huī
KHayal-e-husn mein yun zindagi tamam hui
hasin subh hui aur hasin sham hui
waqar-e-ishq bas ab sar jhuka de qadmon par
udhar se tere liye sabqat-e-salam hui
har ek apni jagah KHush har ek yahi samjha
nigah-e-KHas ba-tarz-e-nigah-e-am hui
nazar mili to tabassum raha KHamoshi par
nazar phiri to zara himmat-e-kalam hui
bas ab to tum ne mohabbat ka le liya badla
muaf karna jo taklif-e-intiqam hui
hai dekhne hi ka waqfa jise samajhte hain
'raza' wo dhup chaDhi din Dhala wo sham hui
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
