KHayal-o-fikr ke sab mausamon mein rahti hai

ḳhayāl-o-fikr ke sab mausamoñ meñ rahtī hai

mirī nigāh ke vo ā.inoñ meñ rahtī hai

vo merī chhoTī sī guḌiyā vo jaan se pyārī

vajūd-e-zāt kī sab dhaḌkanoñ meñ rahtī hai

usī ke dam se mirī zindagī harārat hai

mire lahū kī sabhī ḳhushbuoñ meñ rahtī hai

mirī nazar meñ vo mausam hai iid kā mausam

vo ghar meñ aa ke mire jin rutoñ meñ rahtī hai

vo naanā naanī kī āñkhoñ meñ chashm-e-māmūñ meñ

har ik nigāh meñ sab manzaroñ meñ rahtī hai

usī ke faiz se ehsās-e-zindagānī bhī

vo valvaloñ meñ sabhī hausloñ meñ rahtī hai

so us kī yaad se raushan hai ḳhāna-e-hastī

vo mere dil meñ mirī ḳhvāhishoñ meñ rahtī hai

KHayal-o-fikr ke sab mausamon mein rahti hai

meri nigah ke wo aainon mein rahti hai

wo meri chhoTi si guDiya wo jaan se pyari

wajud-e-zat ki sab dhaDkanon mein rahti hai

usi ke dam se meri zindagi hararat hai

mere lahu ki sabhi KHushbuon mein rahti hai

meri nazar mein wo mausam hai id ka mausam

wo ghar mein aa ke mere jin ruton mein rahti hai

wo nana nani ki aankhon mein chashm-e-mamun mein

har ek nigah mein sab manzaron mein rahti hai

usi ke faiz se ehsas-e-zindagani bhi

wo walwalon mein sabhi hauslon mein rahti hai

so us ki yaad se raushan hai KHana-e-hasti

wo mere dil mein meri KHwahishon mein rahti hai