aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHayal-o-KHwab mein kab tak ye guftugu hogi

Hasan Naim

KHayal-o-KHwab mein kab tak ye guftugu hogi

Hasan Naim

MORE BYHasan Naim

    ḳhayāl-o-ḳhvāb meñ kab tak ye guftugū hogī

    uThāo jaam ki ab baat rū-ba-rū hogī

    abhī huuñ paas to vo ajnabī se baiThe haiñ

    maiñ uTh gayā to bahut merī justujū hogī

    mujhe batāo to kuchh kaam aa sakūñ shāyad

    tumhāre dil meñ bhī ik fasl-e-ārzū hogī

    tujhī ko DhūñDhtā phirtā thā dar-ba-dar phir bhī

    mujhe yaqīn thā rusvā.ī kū-ba-kū hogī

    badal gayā bhī agar vo to dekhne meñ 'na.īm'

    vahī libās vahī shakl hū-ba-hū hogī

    KHayal-o-KHwab mein kab tak ye guftugu hogi

    uThao jam ki ab baat ru-ba-ru hogi

    abhi hun pas to wo ajnabi se baiThe hain

    main uTh gaya to bahut meri justuju hogi

    mujhe batao to kuchh kaam aa sakun shayad

    tumhaare dil mein bhi ek fasl-e-arzu hogi

    tujhi ko DhunDhta phirta tha dar-ba-dar phir bhi

    mujhe yaqin tha ruswai ku-ba-ku hogi

    badal gaya bhi agar wo to dekhne mein 'naim'

    wahi libas wahi shakl hu-ba-hu hogi

    Source:

    Kulliyat-e-Hasan Naim (Pg. 227)

    • Author: Ahmad Kafeel
      • Edition: 2006
      • Publisher: Qaumi Council Baraye Farogh-e-urdu Zaban
      • Year of Publication: 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now