KHayalon mein kisi ke kho gae kya

ḳhayāloñ meñ kisī ke kho ga.e kyā

divāne aap bhī ab ho ga.e kyā

sunī hai sub.h ke aane kī aahaT

sitāre raat ke dekho ga.e kyā

to kyā vo aa.e the pursish ko merī

vo gaal ashkoñ se apne dho ga.e kyā

sharārat hai ki nādānī tumhārī

jagā kar pūchhte ho so ga.e kyā

na.ī nasleñ haiñ kyoñ phūloñ se mahrūm

purāne log kāñTe bo ga.e kyā

nazar aate nahīñ mahfil meñ 'anjum'

vo uTh kar bazm se bolo ga.e kyā

KHayalon mein kisi ke kho gae kya

diwane aap bhi ab ho gae kya

suni hai subh ke aane ki aahaT

sitare raat ke dekho gae kya

to kya wo aae the pursish ko meri

wo gal ashkon se apne dho gae kya

shararat hai ki nadani tumhaari

jaga kar puchhte ho so gae kya

nai naslen hain kyon phulon se mahrum

purane log kanTe bo gae kya

nazar aate nahin mahfil mein 'anjum'

wo uTh kar bazm se bolo gae kya