KHazana lutf ka jaise nafas nafas mein tha

ḳhazāna lutf kā jaise nafas nafas meñ thā

ajab surūr kā aalam merī havas meñ thā

vahāñ bhī log ujāloñ pe naaz karte the

har āftāb-e-jahāñ tīrgī ke bas meñ thā

phire bhī din to use pattharoñ ke paañv mile

vo ek phuul jo muddat se ḳhār-o-ḳhas meñ thā

thakan nahīñ thī ye thā be-hisī kā sannāTā

ajiib karb sā ik nāla-e-jaras meñ thā

sukūt-e-qalb kā āḳhir shikār ho hī gayā

vo ek shaḳhs jo tā-umr pesh-o-pas meñ thā

sabhī ko tīliyāñ apnī aziiz thiiñ 'asrār'

ki jo parind thā ḳhud-sāḳhta qafas meñ thā

KHazana lutf ka jaise nafas nafas mein tha

ajab surur ka aalam meri hawas mein tha

wahan bhi log ujalon pe naz karte the

har aaftab-e-jahan tirgi ke bas mein tha

phire bhi din to use pattharon ke panw mile

wo ek phul jo muddat se KHar-o-KHas mein tha

thakan nahin thi ye tha be-hisi ka sannaTa

ajib karb sa ek nala-e-jaras mein tha

sukut-e-qalb ka aaKHir shikar ho hi gaya

wo ek shaKHs jo ta-umr pesh-o-pas mein tha

sabhi ko tiliyan apni aziz thin 'asrar'

ki jo parind tha KHud-saKHta qafas mein tha