khel samjha hai safar bhaDwa adam-abaad ka

khel samjhā hai safar bhaḌvā adam-ābād kā

hausla dekho to guyyāñ is dil-e-nāshād kā

kasbī ke ghar se lagā kar bhejte ho paan tum

vaah kyā kahnā hai mirzā aap kī is yaad kā

aa ke vo tīr-e-nazar kī zad meñ bach jaa.e muā

muñh to dhole hausla un ke dil-e-jallād kā

thā sabab begam-buā ye ranj kī buniyād kā

rashk hai shīrāz ke tālāb ruknābād kā

baat to shīrīñ kī rakh lī thī hazāroñ meñ buā

go balā se phaT gayā sar bhī miyāñ farhād kā

baiThne paa.e na the chutḌā uThā.e chal diye

ḳhaak nikle hausla shauq-e-dil-e-nāshād kā

pārbantī ke haiñ ye kāñTe buā bo.e hue

ḳhat nahīñ aatā nigoḌe kāmtā-parshād kā

reḳhtī-goī meñ jo 'mohsin' nigoḌā fard hai

hai ye joban 'anqā' begam sī buā ustād kā

khel samjha hai safar bhaDwa adam-abaad ka

hausla dekho to guyyan is dil-e-nashad ka

kasbi ke ghar se laga kar bhejte ho pan tum

wah kya kahna hai mirza aap ki is yaad ka

aa ke wo tir-e-nazar ki zad mein bach jae mua

munh to dhole hausla un ke dil-e-jallad ka

tha sabab begam-bua ye ranj ki buniyaad ka

rashk hai shiraaz ke talab ruknabaad ka

baat to shirin ki rakh li thi hazaron mein bua

go bala se phaT gaya sar bhi miyan farhad ka

baiThne pae na the chutDa uThae chal diye

KHak nikle hausla shauq-e-dil-e-nashad ka

parbanti ke hain ye kanTe bua boe hue

KHat nahin aata nigoDe kaamta-parshad ka

reKHti-goi mein jo 'mohsin' nigoDa fard hai

hai ye joban 'anqa' begam si bua ustad ka