khelna dil ko paDa har lamha mauj-e-ab se

khelnā dil ko paḌā har lamha mauj-e-āb se

maiñ kahāñ niklā kabhī huuñ hītā-e-girdāb se

hai faroġh-e-tīrgī se sab ke chehre par itaab

dast-basta māñgte haiñ nuur sab mahtāb se

dard kyā uTThā ki naġhma ban gayā ehsās bhī

yūñhī koī chheḌ de baaje ko joñ mizrāb se

daulat-e-ḳhvāb-e-pareshāñ bhī nashāt-añgez hai

khil uThā hai chehra-e-ġham dekh mere ḳhvāb se

sozish-e-qalb-o-nazar ke vāste kuchh to karo

kuchh to ThanDak le ke aao gulshan-e-shādāb se

aap ko shāyad ye andāza na ho mujh ko to hai

kis qadar rāhat milī hai halqa-e-ahbāb se

khelna dil ko paDa har lamha mauj-e-ab se

main kahan nikla kabhi hun hita-e-girdab se

hai farogh-e-tirgi se sab ke chehre par itab

dast-basta mangte hain nur sab mahtab se

dard kya uTTha ki naghma ban gaya ehsas bhi

yunhi koi chheD de baje ko jon mizrab se

daulat-e-KHwab-e-pareshan bhi nashat-angez hai

khil uTha hai chehra-e-gham dekh mere KHwab se

sozish-e-qalb-o-nazar ke waste kuchh to karo

kuchh to ThanDak le ke aao gulshan-e-shadab se

aap ko shayad ye andaza na ho mujh ko to hai

kis qadar rahat mili hai halqa-e-ahbab se