khiDki pe chand chand bhi shab-gir aur main

khiḌkī pe chāñd chāñd bhī shab-gīr aur maiñ

kāġhaz pe ek ḳhvāb kī tā'bīr aur maiñ

ye pal judā.ī kā hai so mumkin hai ro paḌeñ

ik dūsre ko dekh ke zanjīr aur maiñ

sochā hai is qadar tujhe maiñ ne firāq meñ

ham-shakl ho ga.e tirī tasvīr aur maiñ

hosh-o-havās gum haiñ ki takte haiñ bām-o-dar

'jaun-eliyā' ko sun ke ‘taqī-mīr' aur maiñ

ik ḳhvāb sāmne hai jise dekhte haiñ ham

ye muḳhtasar sī raat ye tāḳhīr aur maiñ

guzre dinoñ kā 'urs manāyā kareñge ab

terī guzishta saal kī tasvīr aur maiñ

khiDki pe chand chand bhi shab-gir aur main

kaghaz pe ek KHwab ki ta'bir aur main

ye pal judai ka hai so mumkin hai ro paDen

ek dusre ko dekh ke zanjir aur main

socha hai is qadar tujhe main ne firaq mein

ham-shakl ho gae teri taswir aur main

hosh-o-hawas gum hain ki takte hain baam-o-dar

'jaun-eliya' ko sun ke ‘taqi-mir' aur main

ek KHwab samne hai jise dekhte hain hum

ye muKHtasar si raat ye taKHir aur main

guzre dinon ka 'urs manaya karenge ab

teri guzishta sal ki taswir aur main