khiDki se us sanam ka jo mukhDa nazar paDa

khiḌkī se us sanam kā jo mukhḌā nazar paḌā

tāq-e-haram se jalva ḳhudā kā nazar paḌā

saat āsmāñ kī sair hai pardoñ meñ aañkh ke

āñkheñ khulīñ to turfa tamāshā nazar paḌā

dekhā hai aañkh ne tirā jī chāhe pūchh dekh

ai dil maiñ kyā kahūñ mujhe kyā kyā nazar paḌā

insān un ko dekh ruke kyūñki aañkh se

huur o parī ko jin kā na saayā nazar paḌā

maiñ mast huuñ 'mazāq' mai-e-intizār se

saaqī na mai na jaam na miinā nazar paḌā

khiDki se us sanam ka jo mukhDa nazar paDa

taq-e-haram se jalwa KHuda ka nazar paDa

sat aasman ki sair hai pardon mein aankh ke

aankhen khulin to turfa tamasha nazar paDa

dekha hai aankh ne tera ji chahe puchh dekh

ai dil main kya kahun mujhe kya kya nazar paDa

insan un ko dekh ruke kyunki aankh se

hur o pari ko jin ka na saya nazar paDa

main mast hun 'mazaq' mai-e-intizar se

saqi na mai na jam na mina nazar paDa