khinch kar mujhko har ek naqsh-o-nishan le jae

khīñch kar mujh ko har ik naqsh-o-nishāñ le jaa.e

kyā pata zauq-e-safar merā kahāñ le jaa.e

kaam ye har kas-o-nā-kas ke nahīñ hai bas kā

jis ko sach kahnā ho ḳhanjar pe zabāñ le jaa.e

sirf ik baar tabassum vo uchhāle to idhar

aur badle meñ mirā saarā jahāñ le jaa.e

jis ko dikhlānī ho duniyā ko shujā.at apnī

vahī sar apnā sar-e-nok-e-sināñ le jaa.e

kahīñ raushan nazar aate nahīñ ab sar ke charāġh

arsa-e-jañg se vo ḳhud ko kahāñ le jaa.e

apnī ġhazloñ meñ jise rañg-e-quzah bharnā ho

vo 'mubārak' mirā ejāz-e-bayāñ le jaa.e

khinch kar mujh ko har ek naqsh-o-nishan le jae

kya pata zauq-e-safar mera kahan le jae

kaam ye har kas-o-na-kas ke nahin hai bas ka

jis ko sach kahna ho KHanjar pe zaban le jae

sirf ek bar tabassum wo uchhaale to idhar

aur badle mein mera sara jahan le jae

jis ko dikhlani ho duniya ko shujaat apni

wahi sar apna sar-e-nok-e-sinan le jae

kahin raushan nazar aate nahin ab sar ke charagh

arsa-e-jang se wo KHud ko kahan le jae

apni ghazlon mein jise rang-e-quzah bharna ho

wo 'mubarak' mera ejaz-e-bayan le jae