KHirad bhi na-mehrban rahegi shuur bhi sar-garan rahega
KHirad bhi na-mehrban rahegi shuur bhi sar-garan rahega
Farigh Bukhari
MORE BYFarigh Bukhari
ḳhirad bhī nā-mehrbāñ rahegī shu.ūr bhī sar-garāñ rahegā
in āñdhiyoñ meñ mirā junūn-e-vafā magar zau-fishāñ rahegā
badal sakegī na fitrat-e-sarkashī ko ye gardish-e-zamāna
azal se jo āsmāñ banā hai abad talak āsmāñ rahegā
ulajh ulajh kar mujhe havādis kī tund lahroñ se khelne do
fasurda sāhil kā ḳhushk māhaul mujh ko bār-e-garāñ rahegā
abhī se merī nigāheñ is daur ke tasavvur ko chhū rahī haiñ
bujhī bujhī be-kasoñ kī aahoñ pe bijliyoñ kā gumāñ rahegā
ġharīb insān kī ḳhudī ko baġhāvateñ gudgudā rahī haiñ
na ye jabīñ ab jabīñ rahegī na āstāñ āstāñ rahegā
KHirad bhi na-mehrban rahegi shuur bhi sar-garan rahega
in aandhiyon mein mera junun-e-wafa magar zau-fishan rahega
badal sakegi na fitrat-e-sarkashi ko ye gardish-e-zamana
azal se jo aasman bana hai abad talak aasman rahega
ulajh ulajh kar mujhe hawadis ki tund lahron se khelne do
fasurda sahil ka KHushk mahaul mujh ko bar-e-garan rahega
abhi se meri nigahen is daur ke tasawwur ko chhu rahi hain
bujhi bujhi be-kason ki aahon pe bijliyon ka guman rahega
gharib insan ki KHudi ko baghawaten gudguda rahi hain
na ye jabin ab jabin rahegi na aastan aastan rahega
Source:
Rooh-e-Ghazal,Pachas Sala Intekhab (Pg. 268)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
