KHirad ke pas KHabar ke siwa kuchh aur nahin
Interesting Fact
Baal-e-Gibril
ḳhirad ke paas ḳhabar ke sivā kuchh aur nahīñ
tirā ilaaj nazar ke sivā kuchh aur nahīñ
har ik maqām se aage maqām hai terā
hayāt zauq-e-safar ke sivā kuchh aur nahīñ
girāñ-bahā hai to hifz-e-ḳhudī se hai varna
guhar meñ āb-e-guhar ke sivā kuchh aur nahīñ
ragoñ meñ gardish-e-ḳhūñ hai agar to kyā hāsil
hayāt soz-e-jigar ke sivā kuchh aur nahīñ
urūs-e-lāla munāsib nahīñ hai mujh se hijāb
ki maiñ nasīm-e-sahar ke sivā kuchh aur nahīñ
jise kasād samajhte haiñ tājirān-e-farañg
vo shai mata-e-hunar ke sivā kuchh aur nahīñ
baḌā karīm hai 'iqbāl'-e-be-navā lekin
atā-e-shola sharar ke sivā kuchh aur nahīñ
KHirad ke pas KHabar ke siwa kuchh aur nahin
tera ilaj nazar ke siwa kuchh aur nahin
har ek maqam se aage maqam hai tera
hayat zauq-e-safar ke siwa kuchh aur nahin
giran-baha hai to hifz-e-KHudi se hai warna
guhar mein aab-e-guhar ke siwa kuchh aur nahin
ragon mein gardish-e-KHun hai agar to kya hasil
hayat soz-e-jigar ke siwa kuchh aur nahin
urus-e-lala munasib nahin hai mujh se hijab
ki main nasim-e-sahar ke siwa kuchh aur nahin
jise kasad samajhte hain tajiran-e-farang
wo shai mata-e-hunar ke siwa kuchh aur nahin
baDa karim hai 'iqbaal'-e-be-nawa lekin
ata-e-shola sharar ke siwa kuchh aur nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
