KHirad ki dhund mein aks-e-ruKH-e-sahar to mila

ḳhirad kī dhund meñ aks-e-ruḳh-e-sahar to milā

junūn-e-shauq tujhe koī ham-safar to milā

jalā gayā hai koī ret par lahū se charāġh

rah-e-junūñ meñ koī naqsh-e-motabar to milā

tumhāre shahr meñ sotā huuñ paañv phailā kar

koī makāñ na milā sāya-e-shajar to milā

kisī se dil kahāñ miltā hai is zamāne meñ

ḳhulūs laakh tasanño sahī nazar to milā

ġham-e-hayāt ke gesū sañvar hī jā.eñge

nigār-e-shām ko ā.īna-e-sahar to milā

hunar ḳharīd ke lā.eñge be-hunar kitne

hamāre shahr ko ik sāhab-e-hunar to milā

utaar laayā bulandī se us ko ai 'hāmī'

vo āsmān kā taarā zamīn par to milā

KHirad ki dhund mein aks-e-ruKH-e-sahar to mila

junun-e-shauq tujhe koi ham-safar to mila

jala gaya hai koi ret par lahu se charagh

rah-e-junun mein koi naqsh-e-motabar to mila

tumhaare shahr mein sota hun panw phaila kar

koi makan na mila saya-e-shajar to mila

kisi se dil kahan milta hai is zamane mein

KHulus lakh tasanno sahi nazar to mila

gham-e-hayat ke gesu sanwar hi jaenge

nigar-e-sham ko aaina-e-sahar to mila

hunar KHarid ke laenge be-hunar kitne

hamare shahr ko ek sahab-e-hunar to mila

utar laya bulandi se us ko ai 'hami'

wo aasman ka tara zamin par to mila