KHirad yaqin ke sukun-zar ki talash mein hai

ḳhirad yaqīñ ke sukūñ-zār kī talāsh meñ hai

ye dhuup sāya-e-dīvār kī talāsh meñ hai

ḳhatā chaman kī ki hai mubtalā-e-lāla-o-gul

bahār sirf ḳhas-o-ḳhār kī talāsh meñ hai

chhalak rahā hai qabā-e-hayā se us kā shabāb

sharāb jur.at-e-mai-ḳhvār kī talāsh meñ hai

vo nuqta huuñ jo bharam hai nuqūsh-e-hastī kā

zamāna kyā mire asrār kī talāsh meñ hai

vo auj huuñ jo ḳhalal hai nizām-e-pastī kā

vo jurm huuñ jo sar-e-dār kī talāsh meñ hai

ḳhas aazmā hai 'muhib' sho.ala-zār bātil se

nayā ḳhalīl hai gulzār kī talāsh meñ hai

KHirad yaqin ke sukun-zar ki talash mein hai

ye dhup saya-e-diwar ki talash mein hai

KHata chaman ki ki hai mubtala-e-lala-o-gul

bahaar sirf KHas-o-KHar ki talash mein hai

chhalak raha hai qaba-e-haya se us ka shabab

sharab jurat-e-mai-KHwar ki talash mein hai

wo nuqta hun jo bharam hai nuqush-e-hasti ka

zamana kya mere asrar ki talash mein hai

wo auj hun jo KHalal hai nizam-e-pasti ka

wo jurm hun jo sar-e-dar ki talash mein hai

KHas aazma hai 'muhib' shoala-zar baatil se

naya KHalil hai gulzar ki talash mein hai