KHizan jab tak chali jati nahin hai

Bismil Azimabadi

KHizan jab tak chali jati nahin hai

Bismil Azimabadi

MORE BYBismil Azimabadi

    ḳhizāñ jab tak chalī jaatī nahīñ hai

    chaman vāloñ ko niiñd aatī nahīñ hai

    jafā jab tak ki chauñkātī nahīñ hai

    mohabbat hosh meñ aatī nahīñ hai

    jo rotā huuñ to hañstā hai zamāna

    jo sotā huuñ to niiñd aatī nahīñ hai

    tumhārī yaad ko allāh rakkhe

    jab aatī hai to phir jaatī nahīñ hai

    kalī bulbul se shoḳhī kar rahī hai

    zarā phūloñ se sharmātī nahīñ hai

    jahāñ mai-kash bhī jaa.eñ Darte Darte

    vahāñ vaa.iz ko sharm aatī nahīñ hai

    nahīñ miltī to hañgāme haiñ kyā kyā

    jo miltī hai to jaatī nahīñ hai

    javānī kahānī dāvar-e-hashr

    sar-e-mahfil kahī jaatī nahīñ hai

    kahāñ tak shaiḳh ko samjhā.iyegā

    burī aadat kabhī jaatī nahīñ hai

    ghaḌī bhar ko jo bahlā.e mirā dil

    koī aisī ghaḌī aatī nahīñ hai

    hañsī 'bismil' hālat par kisī ko

    kabhī aatī thī ab aatī nahīñ hai

    KHizan jab tak chali jati nahin hai

    chaman walon ko nind aati nahin hai

    jafa jab tak ki chaunkati nahin hai

    mohabbat hosh mein aati nahin hai

    jo rota hun to hansta hai zamana

    jo sota hun to nind aati nahin hai

    tumhaari yaad ko allah rakkhe

    jab aati hai to phir jati nahin hai

    kali bulbul se shoKHi kar rahi hai

    zara phulon se sharmati nahin hai

    jahan mai-kash bhi jaen Darte Darte

    wahan waiz ko sharm aati nahin hai

    nahin milti to hangame hain kya kya

    jo milti hai to pi jati nahin hai

    jawani ki kahani dawar-e-hashr

    sar-e-mahfil kahi jati nahin hai

    kahan tak shaiKH ko samjhaiyega

    buri aadat kabhi jati nahin hai

    ghaDi bhar ko jo bahlae mera dil

    koi aisi ghaDi aati nahin hai

    hansi 'bismil' ki haalat par kisi ko

    kabhi aati thi ab aati nahin hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY