KHizan ka KHauf bhi hai mausam-e-bahaar bhi hai

ḳhizāñ kā ḳhauf bhī hai mausam-e-bahār bhī hai

kabhī tumhārā kabhī apnā intizār bhī hai

simaTtī jaatī huuñ baḌhtī haiñ dūriyāñ jab bhī

ajiib shaḳhs hai nafrat bhī us se pyaar bhī hai

huā hai zaḳhmī mirā e'timād jis din se

udaas hī nahīñ dil merā be-qarār bhī hai

alag hai sab se tabī.at hī us kī aisī hai

vo be-vafā hai magar us pe e'tibār bhī hai

bahāreñ jaatī haiñ jaane do tum to ruk jaao

bahut dinoñ se tabī.at meñ intishār bhī hai

khaḌī huuñ aaj bhī maiñ sañg-e-mīl kī sūrat

'kiran' kisī kā zamāne se intizār bhī hai

KHizan ka KHauf bhi hai mausam-e-bahaar bhi hai

kabhi tumhaara kabhi apna intizar bhi hai

simaTti jati hun baDhti hain duriyan jab bhi

ajib shaKHs hai nafrat bhi us se pyar bhi hai

hua hai zaKHmi mera e'timad jis din se

udas hi nahin dil mera be-qarar bhi hai

alag hai sab se tabiat hi us ki aisi hai

wo be-wafa hai magar us pe e'tibar bhi hai

bahaaren jati hain jaane do tum to ruk jao

bahut dinon se tabiat mein intishaar bhi hai

khaDi hun aaj bhi main sang-e-mil ki surat

'kiran' kisi ka zamane se intizar bhi hai