aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHizan ke jaane se ho ya bahaar aane se

Bismil Azimabadi

KHizan ke jaane se ho ya bahaar aane se

Bismil Azimabadi

MORE BYBismil Azimabadi

    ḳhizāñ ke jaane se ho bahār aane se

    chaman meñ phuul khileñge kisī bahāne se

    vo dekhtā rahe muḌ muḌ ke sū-e-dar kab tak

    jo karvaTeñ bhī badaltā nahīñ Thikāne se

    ugal na sañg-e-malāmat ḳhudā se Dar nāseh

    milegā kyā tujhe shīshoñ ke TuuT jaane se

    zamāna aap hai aur aap us ke haiñ

    laḌā.ī mol leñ ham muft kyuuñ zamāne se

    ḳhudā shukr savere aa gayā qāsid

    maiñ bach gayā shab-e-furqat ke naaz uThāne se

    maiñ kuchh kahūñ na kahūñ kah rahī hai ḳhāk-e-jabīñ

    ki is jabīñ ko hai nisbat ik āstāne se

    qayāmat aa.e qayāmat se maiñ nahīñ Dartā

    uThā to de koī parda kisī bahāne se

    ḳhabar bhī hai tujhe ā.īna dekhne vaale

    kahāñ gayā hai dupaTTa sarak ke shāne se

    ye zindagī bhī koī zindagī huī 'bismil'

    na ro sake na kabhī hañs sake Thikāne se

    KHizan ke jaane se ho ya bahaar aane se

    chaman mein phul khilenge kisi bahane se

    wo dekhta rahe muD muD ke su-e-dar kab tak

    jo karwaTen bhi badalta nahin Thikane se

    ugal na sang-e-malamat KHuda se Dar naseh

    milega kya tujhe shishon ke TuT jaane se

    zamana aap ka hai aur aap us ke hain

    laDai mol len hum muft kyun zamane se

    KHuda ka shukr sawere hi aa gaya qasid

    main bach gaya shab-e-furqat ke naz uThane se

    main kuchh kahun na kahun kah rahi hai KHak-e-jabin

    ki is jabin ko hai nisbat ek aastane se

    qayamat aae qayamat se main nahin Darta

    uTha to de koi parda kisi bahane se

    KHabar bhi hai tujhe aaina dekhne wale

    kahan gaya hai dupaTTa sarak ke shane se

    ye zindagi bhi koi zindagi hui 'bismil'

    na ro sake na kabhi hans sake Thikane se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now