KHizan mein KHubiyan aaise bahut hain

Mahboob Khizan

KHizan mein KHubiyan aaise bahut hain

Mahboob Khizan

MORE BYMahboob Khizan

    'ḳhizāñ' meñ ḳhūbiyāñ aaise bahut haiñ

    ḳharābī ek hai bante bahut haiñ

    koī rasta kahīñ jaa.e to jāneñ

    badalne ke liye raste bahut haiñ

    na.ī duniyā ke sundar ban ke andar

    purāne vaqt ke paude bahut haiñ

    hue jab se zamāne bhar ke ham-rāh

    ham apne saath bhī thoḌe bahut haiñ

    lagāvaT hai sitāroñ se purānī

    raqābat hai magar milte bahut haiñ

    bahut hogā to ye sochoge shāyad

    ki ham bhī the yahāñ jaise bahut haiñ

    hai sab sūrat chakkar, ḳhvāb ma.anī

    dikhā.e haiñ bahut dekhe bahut haiñ

    jasārat dil meñ kyā ho fan meñ kyā ho

    mulāzim-pesha haiñ Darte bahut haiñ

    kisī se kyuuñ ulajhte kyā ulajhte

    ye dhāge ḳhud-ba-ḳhud uljhe bahut haiñ

    thakan chāroñ taraf hai chalte jaao

    pahuñchtā kaun hai chalte bahut haiñ

    ḳhafā ham se na ho ai chashm-e-jānāñ

    ham is andāz par marte bahut haiñ

    kaho ye bhī 'ḳhizāñ' kahne se pahle

    jo kahte kuchh nahīñ kahte bahut haiñ

    'KHizan' mein KHubiyan aaise bahut hain

    KHarabi ek hai bante bahut hain

    koi rasta kahin jae to jaanen

    badalne ke liye raste bahut hain

    nai duniya ke sundar ban ke andar

    purane waqt ke paude bahut hain

    hue jab se zamane bhar ke ham-rah

    hum apne sath bhi thoDe bahut hain

    lagawaT hai sitaron se purani

    raqabat hai magar milte bahut hain

    bahut hoga to ye sochoge shayad

    ki hum bhi the yahan jaise bahut hain

    hai sab surat ka chakkar, KHwab mani

    dikhae hain bahut dekhe bahut hain

    jasarat dil mein kya ho fan mein kya ho

    mulazim-pesha hain Darte bahut hain

    kisi se kyun ulajhte kya ulajhte

    ye dhage KHud-ba-KHud uljhe bahut hain

    thakan chaaron taraf hai chalte jao

    pahunchta kaun hai chalte bahut hain

    KHafa hum se na ho ai chashm-e-jaanan

    hum is andaz par marte bahut hain

    kaho ye bhi 'KHizan' kahne se pahle

    jo kahte kuchh nahin kahte bahut hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY