Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHizan se peshtar sara chaman barbaad hota hai

Tilok Chand Mahroom

KHizan se peshtar sara chaman barbaad hota hai

Tilok Chand Mahroom

MORE BYTilok Chand Mahroom

    ḳhizāñ se peshtar saarā chaman barbād hotā hai

    ġhazab hotā hai jab ḳhud bāġhbāñ sayyād hotā hai

    tujhe is par gumān-e-naġhma-e-sayyād hotā hai

    qafas meñ nāla-kash murġh-e-gulistāñ-zād hotā hai

    ḳhushī ke baa'd ik nahīñ hai mubtalā-e-ġham

    yūñhī aksar jahāñ meñ ai dil-e-nāshād, hotā hai

    ravā rakhtā hai vo bedād pahle apnī fitrat par

    jo insāñ dūsre par mā.il-e-bedād hotā hai

    jo kartā hai nisār-e-nau-e-insāñ apnī hastī ko

    vo insāñ iftiḳhār-e-ālam-e-ījād hotā hai

    mire ash'ār tausīf hotī hai mire hote

    nahīñ mā'lūm mere baa'd kyā irshād hotā hai

    na kar 'mahrūm' fikr-e-suḳhan ab fikr-e-uqbā kar

    navā-parvāz bazm-e-sher meñ āzād hotā hai

    KHizan se peshtar sara chaman barbaad hota hai

    ghazab hota hai jab KHud baghban sayyaad hota hai

    tujhe is par guman-e-naghma-e-sayyaad hota hai

    qafas mein nala-kash murgh-e-gulistan-zad hota hai

    KHushi ke ba'd ek tu hi nahin hai mubtala-e-gham

    yunhi aksar jahan mein ai dil-e-nashad, hota hai

    rawa rakhta hai wo bedad pahle apni fitrat par

    jo insan dusre par mail-e-bedad hota hai

    jo karta hai nisar-e-nau-e-insan apni hasti ko

    wo insan iftiKHar-e-alam-e-ijad hota hai

    mere ash'ar ki tausif hoti hai mere hote

    nahin ma'lum mere ba'd kya irshad hota hai

    na kar 'mahrum' tu fikr-e-suKHan ab fikr-e-uqba kar

    nawa-parwaz bazm-e-sher mein aazad hota hai

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now