KHol sa oDhe hue lagte hain log
ḳhol sā oḌhe hue lagte haiñ log
baat kyā hai itne chup kaise haiñ log
band kamroñ se abhī nikle haiñ log
aur hī andāz se milte haiñ log
jis ko dekho hai vahī jhulsā huā
kis dahaktī aag se nikle haiñ log
kaun kisī kī fikr kartā hai yahāñ
apne apne jaal meñ uljhe haiñ log
raushnī kī kyuuñ nahīñ karte talāsh
kyuuñ añdherā bāñTte phirte haiñ log
manziloñ kā zikr hī be-sūd hai
gumrahī se mutma.in lagte haiñ log
zahr piite haiñ magar marte nahīñ
kuchh na pūchho kaise kyā karte haiñ log
KHol sa oDhe hue lagte hain log
baat kya hai itne chup kaise hain log
band kamron se abhi nikle hain log
aur hi andaz se milte hain log
jis ko dekho hai wahi jhulsa hua
kis dahakti aag se nikle hain log
kaun kisi ki fikr karta hai yahan
apne apne jal mein uljhe hain log
raushni ki kyun nahin karte talash
kyun andhera banTte phirte hain log
manzilon ka zikr hi be-sud hai
gumrahi se mutmain lagte hain log
zahr pite hain magar marte nahin
kuchh na puchho kaise kya karte hain log
Source:
Lahar Lahar (Pg. 41)
- Author: Balbir Rathee
-
- Edition: 1993
- Publisher: Kadambari Prakashan, Delhi
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
