KHud apne waste kya kya suKHan banate hain

ḳhud apne vāste kyā kyā suḳhan banāte haiñ

kisī kī zulf ko jab pur-shikan banāte haiñ

ġhazāl-e-shām-o-sahar yūñhī ram kiye jaa.eñ

ham apne siine ko dasht-e-ḳhutan banāte haiñ

usī kī ḳhaak ke ham bhī bane hue haiñ miyāñ

ye chaak hai chalo us kā badan banāte haiñ

ye log bhāge hue haiñ tire visāl se kyā

jo tere hijr ko apnā vatan banāte haiñ

hamīñ pe paḌtī haiñ un ā.inoñ kī bauchhāreñ

to ham bhī un ke liye bāñkpan banāte haiñ

tamām 'umr kī āshuftagī-e-jāñ ke 'evaz

kisī ke lams ko apnā kafan banāte haiñ

KHud apne waste kya kya suKHan banate hain

kisi ki zulf ko jab pur-shikan banate hain

ghazal-e-sham-o-sahar yunhi ram kiye jaen

hum apne sine ko dasht-e-KHutan banate hain

usi ki KHak ke hum bhi bane hue hain miyan

ye chaak hai chalo us ka badan banate hain

ye log bhage hue hain tere visal se kya

jo tere hijr ko apna watan banate hain

hamin pe paDti hain un aainon ki bauchhaaren

to hum bhi un ke liye bankpan banate hain

tamam 'umr ki aashuftagi-e-jaan ke 'ewaz

kisi ke lams ko apna kafan banate hain