KHud apni hi hadon ka daera tha saeban hum the

ḳhud apnī hī hadoñ kā dā.era thā sā.ebāñ ham the

na jaane raat kitne tajraboñ ke darmiyāñ ham the

sadāoñ ke ta.āqub meñ ḳhud apne hosh kho baiThe

daraḳhtoñ kī ghanerī chhāñv thī aur be-zabāñ ham the

kiyā jab ġhaur to sab vus.ateñ mahdūd-tar niklīñ

fareb-e-ḳhud-nigāhī meñ to bahr-e-be-karāñ ham the

girī ik iiñT dīvār-e-shikasta se magar sākit

ki jaise saikḌoñ sadiyoñ ke bas ik rāz-dāñ ham the

chalo kab tak yūñhī malte raheñ bojhal sī palkoñ ko

ki jis meñ raat bhar ghuTtā rahā dam vo dhuāñ ham the

kabhī hañsnā kabhī ronā kabhī ḳhushiyāñ kabhī aañsū

kirā.e-dār vo sab the kirā.e kā makāñ ham the

ajab andāz kī sozish thī 'nāshir' jhulse maazī kī

milā karte the shahzāde jahāñ vo dāstāñ ham the

KHud apni hi hadon ka daera tha saeban hum the

na jaane raat kitne tajrabon ke darmiyan hum the

sadaon ke taaqub mein KHud apne hosh kho baiThe

daraKHton ki ghaneri chhanw thi aur be-zaban hum the

kiya jab ghaur to sab wusaten mahdud-tar niklin

fareb-e-KHud-nigahi mein to bahr-e-be-karan hum the

giri ek inT diwar-e-shikasta se magar sakit

ki jaise saikDon sadiyon ke bas ek raaz-dan hum the

chalo kab tak yunhi malte rahen bojhal si palkon ko

ki jis mein raat bhar ghuTta raha dam wo dhuan hum the

kabhi hansna kabhi rona kabhi KHushiyan kabhi aansu

kirae-dar wo sab the kirae ka makan hum the

ajab andaz ki sozish thi 'nashir' jhulse mazi ki

mila karte the shahzade jahan wo dastan hum the