KHud apni zat ka inkar karne wala hai

ḳhud apnī zaat kā inkār karne vaalā hai

koī tamām hadeñ paar karne vaalā hai

abhī na haath baḌhā pagḌiyoñ kī jānib tū

ki ye tamāsha sū-e-dār karne vaalā hai

kabhī kisī ne kiyā hai na kar sakegā koī

jo mere saath mirā yaar karne vaalā hai

mujhe vo mātamī āñkheñ lagā.e jā rahā hai

vo mere ḳhvāb azādār karne vaalā hai

mirā tumhārā ḳhudā ek ho nahīñ saktā

mirā ḳhudā to baḌā pyaar karne vaalā hai

abhī to raat hai sab chain se haiñ so.e hue

magar jo sub.h kā aḳhbār karne vaalā hai

KHud apni zat ka inkar karne wala hai

koi tamam haden par karne wala hai

abhi na hath baDha pagDiyon ki jaanib tu

ki ye tamasha su-e-dar karne wala hai

kabhi kisi ne kiya hai na kar sakega koi

jo mere sath mera yar karne wala hai

mujhe wo matami aankhen lagae ja raha hai

wo mere KHwab azadar karne wala hai

mera tumhaara KHuda ek ho nahin sakta

mera KHuda to baDa pyar karne wala hai

abhi to raat hai sab chain se hain soe hue

magar jo subh ka aKHbar karne wala hai