ḳhud-baḳhud ālam-e-dil zer-o-zabar hotā hai
nīchī nazroñ meñ qayāmat kā asar hotā hai
diid kyā chiiz hai jalvoñ meñ nazar kho jaanā
varna jalva kahīñ pāband-e-nazar hotā hai
ahl-e-himmat ke qadam is se alag uThte haiñ
ruḳh zamāne kī havāoñ kā jidhar hotā hai
terī duniyā meñ kahīñ par bhī karūñ maiñ sajda
terā jalva to mire pesh-e-nazar hotā hai
shart hai dard meñ Duubā huā afsāna ho
dil to kyā chiiz hai patthar pe asar hotā hai
jab uThātā huuñ qadam rāh-e-adab meñ 'shārib'
mere hamrāh mirā zauq-e-nazar hotā hai
KHud-baKHud aalam-e-dil zer-o-zabar hota hai
nichi nazron mein qayamat ka asar hota hai
did kya chiz hai jalwon mein nazar kho jaana
warna jalwa kahin paband-e-nazar hota hai
ahl-e-himmat ke qadam is se alag uThte hain
ruKH zamane ki hawaon ka jidhar hota hai
teri duniya mein kahin par bhi karun main sajda
tera jalwa to mere pesh-e-nazar hota hai
shart hai dard mein Duba hua afsana ho
dil to kya chiz hai patthar pe asar hota hai
jab uThata hun qadam rah-e-adab mein 'shaarib'
mere hamrah mera zauq-e-nazar hota hai
Source:
Firdaus-e-Nazar (Pg. 9)
-
Author:
Sultan Haider Khan
-
- Publisher: Urdu Acadami U.P
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
