KHud dekh KHudi ko o KHud-ara

ḳhud dekh ḳhudī ko o ḳhud-ārā

pahchān ḳhudā ko bhī ḳhudā-rā

tirchhī ye nigāh hai ki aarā

har juzv-e-jigar hai paarā paarā

dekheñge butoñ kī ham kajī ko

sīdhā hai agar ḳhudā hamārā

kyuuñ maut ke āsare pe jiite

ai ziist hameñ to tū ne maarā

allāh-re dil kī be-qarārī

khātā hī nahīñ kahīñ sahārā

jaañ denī hai merī āzmā.ish

dildārī hai imtihāñ tumhārā

tūfān hai josh-e-tishna-kāmī

dariyā bhī to kar gayā kinārā

shīrīnī-e-jāñ kī kab khulī qadr

jab zahr huā hameñ gavārā

har shāḳh pe āshiyāñ hai larzāñ

is baaġh meñ ho chukā guzārā

gardish kā 'qalaq' kī dekhnā auj

har qatra-e-ḳhūñ banā sitārā

KHud dekh KHudi ko o KHud-ara

pahchan KHuda ko bhi KHuda-ra

tirchhi ye nigah hai ki aara

har juzw-e-jigar hai para para

dekhenge buton ki hum kaji ko

sidha hai agar KHuda hamara

kyun maut ke aasare pe jite

ai zist hamein to tu ne mara

allah-re dil ki be-qarari

khata hi nahin kahin sahaara

jaan deni hai meri aazmaish

dildari hai imtihan tumhaara

tufan hai josh-e-tishna-kaami

dariya bhi to kar gaya kinara

shirini-e-jaan ki kab khuli qadr

jab zahr hua hamein gawara

har shaKH pe aashiyan hai larzan

is bagh mein ho chuka guzara

gardish ka 'qalaq' ki dekhna auj

har qatra-e-KHun bana sitara