KHud mein utre aur tughyani se bahar aa gae

ḳhud meñ utre aur tuġhyānī se bāhar aa ga.e

aa ke gahrā.ī meñ ham paanī se bāhar aa ga.e

us kī raunaq meñ bahut sunsān se lagte the ham

shahr se nikle to vīrānī se bāhar aa ga.e

lafz vo jin ko zabāñ tak laane kī himmat na thī

āḳhir ik din merī peshānī se bāhar aa ga.e

dam-ba-ḳhud us husn ko hī dekhte rahte the ham

yuuñ barat TuuTā ki hairānī se bāhar aa ga.e

āstīñ meñ pal rahe the lekin ik din yuuñ huā

saañp aapas kī pareshānī se bāhar aa ga.e

vo ta'alluq ham ko qaid-e-ḳhvāb jaisā thā 'zahīr'

khul ga.iiñ āñkheñ to āsānī se bāhar aa ga.e

KHud mein utre aur tughyani se bahar aa gae

aa ke gahrai mein hum pani se bahar aa gae

us ki raunaq mein bahut sunsan se lagte the hum

shahr se nikle to virani se bahar aa gae

lafz wo jin ko zaban tak lane ki himmat na thi

aaKHir ek din meri peshani se bahar aa gae

dam-ba-KHud us husn ko hi dekhte rahte the hum

yun barat TuTa ki hairani se bahar aa gae

aastin mein pal rahe the lekin ek din yun hua

sanp aapas ki pareshani se bahar aa gae

wo ta'alluq hum ko qaid-e-KHwab jaisa tha 'zahir'

khul gain aankhen to aasani se bahar aa gae