KHud mohabbat bhi usi lahje ki shaidai thi
ḳhud mohabbat bhī usī lahje kī shaidā.ī thī
us kī bātoñ meñ kuchh is tarh kī gahrā.ī thī
bain kartī thī udāsī mire shāne lag kar
raat bhī dīda-e-hairān tamāshā.ī thī
us ne kyā ranj sahe hoñge ki dukh bāñTte vaqt
ek lamhe ko to āvāz bhī bharrā.ī thī
maiñ kisī taur bhī samjhauta to kar saktā thā
par mirī 'umr-e-guzishta kī jo tanhā.ī thī
vo ḳhalā hai mire siine meñ ki yuuñ lagtā hai
is se pahle ye kisī dasht kī pahnā.ī thī
gardish-e-ḳhūñ se udhaḌte ga.e dil ke dhāge
kitnī kamzor tire hāthoñ kī turpā.ī thī
ḳhuuñ Tapaktā hai kisī phuul ko chhū kar dekho
bāġhbāñ kyā yahī terī chaman-ārā.ī thī
KHud mohabbat bhi usi lahje ki shaidai thi
us ki baaton mein kuchh is tarh ki gahrai thi
bain karti thi udasi mere shane lag kar
raat bhi dida-e-hairan tamashai thi
us ne kya ranj sahe honge ki dukh banTte waqt
ek lamhe ko to aawaz bhi bharrai thi
main kisi taur bhi samjhauta to kar sakta tha
par meri 'umr-e-guzishta ki jo tanhai thi
wo KHala hai mere sine mein ki yun lagta hai
is se pahle ye kisi dasht ki pahnai thi
gardish-e-KHun se udhaDte gae dil ke dhage
kitni kamzor tere hathon ki turpai thi
KHun Tapakta hai kisi phul ko chhu kar dekho
baghban kya yahi teri chaman-arai thi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
