KHud-numai husn ka dastur hai

ḳhud-numā.ī husn kā dastūr hai

phir bhī āñkhoñ se vo kyoñ mastūr hai

hai rag-e-jāñ se bhī vo nazdīk-tar

go nigāhoñ kī pahuñch se duur hai

be-mashiyyat kuchh bhī kar saktā nahīñ

aadmī bhī kis qadar majbūr hai

duur thā to ruuh ke thā vo qarīb

paas ho kar dil se kitnā duur hai

bārhā maiñ ne bachā.ī jis kī jaañ

qatl par mere vahī māmūr hai

ḳhud se bhī chhupnā hai 'aḳhtar' ab muhāl

āñkhoñ meñ qātil koī mastūr hai

KHud-numai husn ka dastur hai

phir bhi aankhon se wo kyon mastur hai

hai rag-e-jaan se bhi wo nazdik-tar

go nigahon ki pahunch se dur hai

be-mashiyyat kuchh bhi kar sakta nahin

aadmi bhi kis qadar majbur hai

dur tha to ruh ke tha wo qarib

pas ho kar dil se kitna dur hai

barha main ne bachai jis ki jaan

qatl par mere wahi mamur hai

KHud se bhi chhupna hai 'aKHtar' ab muhaal

aankhon mein qatil koi mastur hai