KHud-satai se na hum baz ana se aae

ḳhud-satā.ī se na ham baaz anā se aa.e

go tire shahr meñ jā kar ke bhī pyāse aa.e

is javānī meñ bhī ilzām se Darnā hairat

kaun chehre pe nahīñ kiil muhāse aa.e

us ne ik ḳhaas tanāsub se mohabbat bāñTī

mere hisse meñ hamesha hī dilāse aa.e

baat ausāf kī hai nam kī nahīñ hai bhaa.ī

log be-ant samundar se bhī pyāse aa.e

DhūñDhtā hai koī mujh jaisā mujhe gird-o-navāh

ik sadā mere ta.āqub meñ sadā se aa.e

maiñ ba-sad-shauq giraftār-e-rah-e-ishq huā

varna kuchh log yahāñ apnī ḳhatā se aa.e

sirf taqlīd se hī qais nahīñ ban sakte

ya.anī is ishq kā karnā bhī atā se aa.e

KHud-satai se na hum baz ana se aae

go tere shahr mein ja kar ke bhi pyase aae

is jawani mein bhi ilzam se Darna hairat

kaun chehre pe nahin kil muhase aae

us ne ek KHas tanasub se mohabbat banTi

mere hisse mein hamesha hi dilase aae

baat ausaf ki hai nam ki nahin hai bhai

log be-ant samundar se bhi pyase aae

DhunDhta hai koi mujh jaisa mujhe gird-o-nawah

ek sada mere taaqub mein sada se aae

main ba-sad-shauq giraftar-e-rah-e-ishq hua

warna kuchh log yahan apni KHata se aae

sirf taqlid se hi qais nahin ban sakte

yani is ishq ka karna bhi ata se aae