aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHuda ali-gaDh ke madrase ko tamam amraaz se shifa de

Akbar Allahabadi

KHuda ali-gaDh ke madrase ko tamam amraaz se shifa de

Akbar Allahabadi

MORE BYAkbar Allahabadi

    ḳhudā alī-gaḌh ke madrase ko tamām amrāz se shifā de

    bhare hue haiñ ra.īs-zāde amīr-zāde sharīf-zāde

    latīf o ḳhush-vaz.a chust-o-chālāk o sāf-o-pākīza shād-o-ḳhurram

    tabī.atoñ meñ hai un jaudat diloñ meñ un ke haiñ nek irāde

    kamāl mehnat se paḌh rahe haiñ kamāl ġhairat se baḌh rahe haiñ

    savār mashriq raah meñ haiñ to maġhribī raah meñ piyāde

    har ik hai un meñ be-shak aisā ki aap use jānte haiñ jaisā

    dikhā.e mahfil meñ qadd-e-ra.anā jo aap aa.eñ to sar jhukā de

    faqīr māñgeñ to saaf kah deñ ki hai mazbūt kamā khā

    qubūl farmā.eñ aap dāvat to apnā sarmāya kul khilā de

    butoñ se un ko nahīñ lagāvaT misoñ lete nahīñ vo aahaT

    tamām quvvat hai sarf-e-ḳhvāñdan nazar ke bhole haiñ dil saade

    nazar bhī aa.e jo zulf-e-pechāñ to samjheñ ye koī policy hai

    electric light us ko samjheñ jo barq-vash koī koī de

    nikalte haiñ kar ke ġhol-bandī ba-nām-e-tahzīb o dard-mandī

    ye kah ke lete haiñ sab se chande hameñ jo tum do tumheñ ḳhudā de

    unheñ isī baat par yaqīn hai ki bas yahī asal kār-e-adeñ hai

    isī hogā faroġh-e-qaumī isī se chamkeñge baap daade

    makān-e-college ke sab makīñ haiñ abhī unheñ tajrabe nahīñ haiñ

    ḳhabar nahīñ hai ki aage chal kar hai kaisī manzil haiñ kaisī jaade

    diloñ meñ un ke hai nūr-e-īmāñ qavī nahīñ hai magar nigahbāñ

    havā-e-mantiq adā-e-tiflī ye sham.a aisā na ho bujhā de

    fareb de kar nikāle matlab sikhā.e tahqīr-e-dīn-o-maz.hab

    miTā de āḳhir ko vaz-e-millat numūd-e-zātī ko gar baḌhā de

    yahī bas 'akbar' iltijā hai janāb-e-bārī meñ ye duā hai

    ulūm-o-hikmat dars un ko professor deñ samajh ḳhudā de

    KHuda ali-gaDh ke madrase ko tamam amraaz se shifa de

    bhare hue hain rais-zade amir-zade sharif-zade

    latif o KHush-waza chust-o-chaalak o saf-o-pakiza shad-o-KHurram

    tabiaton mein hai un ki jaudat dilon mein un ke hain nek irade

    kamal mehnat se paDh rahe hain kamal ghairat se baDh rahe hain

    sawar mashriq ki rah mein hain to maghribi rah mein piyaade

    har ek hai un mein ka be-shak aisa ki aap use jaante hain jaisa

    dikhae mahfil mein qadd-e-rana jo aap aaen to sar jhuka de

    faqir mangen to saf kah den ki tu hai mazbut ja kama kha

    qubul farmaen aap dawat to apna sarmaya kul khila de

    buton se un ko nahin lagawaT mison ki lete nahin wo aahaT

    tamam quwwat hai sarf-e-KHwandan nazar ke bhole hain dil ki sade

    nazar bhi aae jo zulf-e-pechan to samjhen ye koi policy hai

    electric light us ko samjhen jo barq-wash koi koi de

    nikalte hain kar ke ghol-bandi ba-nam-e-tahzib o dard-mandi

    ye kah ke lete hain sab se chande hamein jo tum do tumhein KHuda de

    unhen isi baat par yaqin hai ki bas yahi asal kar-e-aden hai

    isi si hoga farogh-e-qaumi isi se chamkenge bap dade

    makan-e-college ke sab makin hain abhi unhen tajrabe nahin hain

    KHabar nahin hai ki aage chal kar hai kaisi manzil hain kaisi jade

    dilon mein un ke hai nur-e-iman qawi nahin hai magar nigahban

    hawa-e-mantiq ada-e-tifli ye shama aisa na ho bujha de

    fareb de kar nikale matlab sikhae tahqir-e-din-o-mazhab

    miTa de aaKHir ko waz-e-millat numud-e-zati ko gar baDha de

    yahi bas 'akbar' ki iltija hai janab-e-bari mein ye dua hai

    ulum-o-hikmat ka dars un ko professor den samajh KHuda de

    Source:

    kulliyat-e-akbar allahabadi (Pg. 195)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now