ḳhudā hī us chup kī daad degā ki turbateñ rauñde Dālte haiñ
ajal ke maare hue kisī se na bolte haiñ na chālte haiñ
zalīl hote haiñ aib haiñ ḳhud jo aib us meñ nikālte haiñ
unhīñ ke uupar hī ḳhaak paḌtī jo chāñd par ḳhaak Dālte haiñ
talavvun-e-aish-o-ġham se bāham zamīn ye nañg-e-āsmāñ hai
ki muñh se ham ḳhuun Dālte haiñ vo rañg-e-nau-roz uchhālte haiñ
na ghar ke mānind maah har shab maze uḌāte haiñ ham-damoñ se
qarār fardā kā roz kar ke hameñ qayāmat pe Tālte haiñ
piye hue haiñ sharāb-e-sāqī chaḌhī hai mastī-e-pāk-bāzī
vo bāda-kash meñ mudām-e-sāqī jo duḳht-e-raz ko khañgālte haiñ
mudām barham mizha ke aare saroñ pe chalte haiñ āshiqoñ ke
banā ke gesu-e-mushk-bū ko vo maañg jis dam nikālte haiñ
jalā rahe sham-e-bazm sā.īñ uThā ke pahlū se apne ham ko
raqīb ko misl-e-dil baġhal meñ miyān-e-mahfil biThālte haiñ
kisī ko bātoñ meñ haiñ lagāte kisī ko fiqroñ meñ haiñ uḌāte
kalīm se ham-kalām ho kar masīh ko dam meñ Tālte haiñ
bisāt-e-ulfat hai vo nirālī jahāñ meñ jāñ-bāḳhta khilāḌī
juā bhī ye but jo khelte haiñ to dil kī kauḌī uchhālte haiñ
junūñ kī bad-nāmiyāñ haiñ jitnī ham aap ai 'shād' uThā rahe haiñ
na thoñpne kohkan ke sar haiñ na qais-o-vāmiq pe Dhālte haiñ
KHuda hi us chup ki dad dega ki turbaten raunde Dalte hain
ajal ke mare hue kisi se na bolte hain na chaalte hain
zalil hote hain aib hain KHud jo aib us mein nikalte hain
unhin ke upar hi KHak paDti jo chand par KHak Dalte hain
talawwun-e-aish-o-gham se baham zamin ye nang-e-asman hai
ki munh se hum KHun Dalte hain wo rang-e-nau-roz uchhaalte hain
na ghar ke manind mah har shab maze uDate hain ham-damon se
qarar farda ka roz kar ke hamein qayamat pe Talte hain
piye hue hain sharab-e-saqi chaDhi hai masti-e-pak-bazi
wo baada-kash mein mudam-e-saqi jo duKHt-e-raz ko khangalte hain
mudam barham mizha ke aare saron pe chalte hain aashiqon ke
bana ke gesu-e-mushk-bu ko wo mang jis dam nikalte hain
jala rahe sham-e-bazm sain uTha ke pahlu se apne hum ko
raqib ko misl-e-dil baghal mein miyan-e-mahfil biThaalte hain
kisi ko baaton mein hain lagate kisi ko fiqron mein hain uDate
kalim se ham-kalam ho kar masih ko dam mein Talte hain
bisat-e-ulfat hai wo nirali jahan mein jaan-baKHta khilaDi
jua bhi ye but jo khelte hain to dil ki kauDi uchhaalte hain
junun ki bad-namiyan hain jitni hum aap ai 'shad' uTha rahe hain
na thonpne kohkan ke sar hain na qais-o-wamiq pe Dhaalte hain
Source:
Sukhan-e-Bemisal: Deewan-e-Shad (pdf) and website (Pg. p-74 p-80 pdf-81)
-
Author:
Shad Lakhnavi
-
- Edition: 1901
- Publisher: Matbaa Tasweer-e- Alam, Lucknow
- Year of Publication: 1901
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.