KHuda jaane kahan hai asghar-e-diwana barson se

Asghar Gondvi

KHuda jaane kahan hai asghar-e-diwana barson se

Asghar Gondvi

MORE BYAsghar Gondvi

    ḳhudā jaane kahāñ hai 'asġhar'-e-dīvāna barsoñ se

    ki us ko DhūñDhte haiñ kaaba o but-ḳhāna barsoñ se

    taḌapnā hai na jalnā hai na jal kar ḳhaak honā hai

    ye kyuuñ soī huī hai fitrat-e-parvāna barsoñ se

    koī aisā nahīñ rab ki jo is dard ko samjhe

    nahīñ mālūm kyuuñ ḳhāmosh hai dīvāna barsoñ se

    kabhī soz-e-tajallī se use nisbat na thī goyā

    paḌī hai is tarah ḳhākistar-e-parvāna barsoñ se

    tire qurbān saaqī ab vo mauj-e-zindagī kaisī

    nahīñ dekhī adā-e-laġhzish-e-mastāna barsoñ se

    mirī rindī ajab rindī mirī mastī ajab mastī

    ki sab TuuTe paḌe haiñ shīsha o paimāna barsoñ se

    hasīnoñ par na rañg aayā na phūloñ meñ bahār aa.ī

    nahīñ aayā jo lab par naġhma-e-mastāna barsoñ se

    khulī āñkhoñ se huuñ husn-e-haqīqat dekhne vaalā

    huī lekin na taufīq-e-dar-e-but-ḳhāna barsoñ se

    libās-e-zohad par phir kaash nazr-e-ātish-e-sahbā

    kahāñ khoī huī hai jur.at-e-rindāna barsoñ se

    jise lenā ho aa kar us se ab dars-e-junūñ le le

    sunā hai hosh meñ hai 'asġhar'-e-dīvāna barsoñ se

    KHuda jaane kahan hai 'asghar'-e-diwana barson se

    ki us ko DhunDhte hain kaba o but-KHana barson se

    taDapna hai na jalna hai na jal kar KHak hona hai

    ye kyun soi hui hai fitrat-e-parwana barson se

    koi aisa nahin ya rab ki jo is dard ko samjhe

    nahin malum kyun KHamosh hai diwana barson se

    kabhi soz-e-tajalli se use nisbat na thi goya

    paDi hai is tarah KHakistar-e-parwana barson se

    tere qurban saqi ab wo mauj-e-zindagi kaisi

    nahin dekhi ada-e-laghzish-e-mastana barson se

    meri rindi ajab rindi meri masti ajab masti

    ki sab TuTe paDe hain shisha o paimana barson se

    hasinon par na rang aaya na phulon mein bahaar aai

    nahin aaya jo lab par naghma-e-mastana barson se

    khuli aankhon se hun husn-e-haqiqat dekhne wala

    hui lekin na taufiq-e-dar-e-but-KHana barson se

    libas-e-zohad par phir kash nazr-e-atish-e-sahba

    kahan khoi hui hai jurat-e-rindana barson se

    jise lena ho aa kar us se ab dars-e-junun le le

    suna hai hosh mein hai 'asghar'-e-diwana barson se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY