KHuda ka lakh shukr hai ki sab nihan nahin rahe

ḳhudā kā laakh shukr hai ki sab nihāñ nahīñ rahe

jo āstīñ ke saañp the vo ab yahāñ nahīñ rahe

bahut dinoñ kī baat hai yahīñ kahīñ pe zaḳhm the

ye dekh kar ḳhushī huī ki ab nishāñ nahīñ rahe

aur ek din ham aap kī ye duniyā chhoḌ jā.eñge

ḳhabar milegī aap ko ki ham yahāñ nahīñ rahe

na pahle jaisī sarkashī na dil meñ koī ḳhvāhisheñ

kabhī kabhī to lagtā hai ki ham javāñ nahīñ rahe

nikal ke tere dil se ham jo lā-makāñ meñ kho ga.e

tū soch kar zarā batā ki ab kahāñ nahīñ rahe

hamāre dil ne aaj bhī hameñ kahā ki baat sun

fulāñ ko dafn kar diyā aur ab fulāñ nahīñ rahe

KHuda ka lakh shukr hai ki sab nihan nahin rahe

jo aastin ke sanp the wo ab yahan nahin rahe

bahut dinon ki baat hai yahin kahin pe zaKHm the

ye dekh kar KHushi hui ki ab nishan nahin rahe

aur ek din hum aap ki ye duniya chhoD jaenge

KHabar milegi aap ko ki hum yahan nahin rahe

na pahle jaisi sarkashi na dil mein koi KHwahishen

kabhi kabhi to lagta hai ki hum jawan nahin rahe

nikal ke tere dil se hum jo la-makan mein kho gae

tu soch kar zara bata ki ab kahan nahin rahe

hamare dil ne aaj bhi hamein kaha ki baat sun

fulan ko dafn kar diya aur ab fulan nahin rahe