KHuda KHuda kar ke aae bhi wo to munh lapeTe paDe hue hain

ḳhudā ḳhudā kar ke aa.e bhī vo to muñh lapeTe paḌe hue haiñ

na kahte haiñ kuchh na sunte haiñ kuchh kasī se jaise laḌe hue haiñ

hazār-hā mannateñ kareñge lipaT ke qadmoñ pe sar dhareñge

na jaane deñge na jaane deñge abas vo bigḌe khaḌe hue haiñ

savāl karte haiñ mujh se kyā kyā pa.e-ḳhudā mere rāhbar aa

paḌā maiñ taktā huuñ terā rasta nakīr-o-munkir khaḌe hue haiñ

rahī jo un se tumheñ kudūrat to baḌh ga.ī vahshiyoñ kī vahshat

uḌaa.ī is darja ḳhāk-e-hasrat kamar kamar tak gaḌe hue haiñ

idhar to jiine se ham haiñ aarī udhar mañgāte ho tum savārī

ye kaisī haiñ garmiyāñ tumhārī phaphūle dil meñ paḌe hue haiñ

farebī āñkheñ rasīlī chitvan adā ishāra nigāh rahzan

ye apne do tiin haiñ jo dushman nazar meñ anjum taḌe hue haiñ

KHuda KHuda kar ke aae bhi wo to munh lapeTe paDe hue hain

na kahte hain kuchh na sunte hain kuchh kasi se jaise laDe hue hain

hazar-ha mannaten karenge lipaT ke qadmon pe sar dharenge

na jaane denge na jaane denge abas wo bigDe khaDe hue hain

sawal karte hain mujh se kya kya pae-KHuda mere rahbar aa

paDa main takta hun tera rasta nakir-o-munkir khaDe hue hain

rahi jo un se tumhein kudurat to baDh gai wahshiyon ki wahshat

uDai is darja KHak-e-hasrat kamar kamar tak gaDe hue hain

idhar to jine se hum hain aari udhar mangate ho tum sawari

ye kaisi hain garmiyan tumhaari phaphule dil mein paDe hue hain

farebi aankhen rasili chitwan ada ishaara nigah rahzan

ye apne do tin hain jo dushman nazar mein anjum taDe hue hain