KHuda ki qasam phir to kya KHair howe
ḳhudā kī qasam phir to kyā ḳhair hove
ham aur tum akele hoñ aur sair hove
kareñ ġhair kā shikva kis taur phir ham
na apne sivā jab koī ġhair hove
ziyārat kareñ dil meñ ka.abe kī apne
jo mujh sā koī sākin-e-dair hove
mile aise zardār se kis kī juutī
na tayyār jis se tirā pair hove
agar ḳhāmushī ko maiñ goyā.ī likkhūñ
to dīvāñ mirā mantiquttair hove
huā ḳhasm-e-jāñ 'mus.hafī' vo to terā
na insāñ ko insān se bair hove
KHuda ki qasam phir to kya KHair howe
hum aur tum akele hon aur sair howe
karen ghair ka shikwa kis taur phir hum
na apne siwa jab koi ghair howe
ziyarat karen dil mein kabe ki apne
jo mujh sa koi sakin-e-dair howe
mile aise zardar se kis ki juti
na tayyar jis se tera pair howe
agar KHamushi ko main goyai likkhun
to diwan mera mantiquttair howe
hua KHasm-e-jaan 'mushafi' wo to tera
na insan ko insan se bair howe
- Book : kulliyat-e-mas.hafii(Vol-4)(pdf) (Pg. 302)
- Author : Ghulam hamdani Mashafi
- Publication : Qaumi council baraye -farogh urdu (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
