KHuda-numa hai but-e-sang-e-astana-e-ishq

Khwaja Mohammad Wazir

KHuda-numa hai but-e-sang-e-astana-e-ishq

Khwaja Mohammad Wazir

MORE BYKhwaja Mohammad Wazir

    ḳhudā-numā hai but-e-sañg-e-āstāna-e-ishq

    chalūñgā pā-e-nigah ban ke sū-e-ḳhāna-e-ishq

    na kam hoñ sikka-e-dāġh-e-dil-e-yagāna-e-ishq

    bharā paḌā rahe yārab sadā ḳhazāna-e-ishq

    jabīn-e-qais banī sañg-e-āstāna-e-ishq

    junūñ hai ḳhema-e-lailā siyāh-ḳhāna-e-ishq

    mudām dil meñ rahe dāġh-e-ulfat-e-sāqī

    na be-charāġh ho yārab sharāb-ḳhāna-e-ishq

    ye mahfil-e-tarab-e-husn hai nahīñ maqtal

    sadā gulū-e-burīda hai tarāna-e-ishq

    ye kah ke phirtī hai din raat āsiyā-e-falak

    mile to ḳhirman-e-mah de ke luuñ maiñ dāna-e-ishq

    hai āftāb piyāla farishta-ḳhū saaqī

    ḳham-e-falak hai subū-e-sharāb-ḳhāna-e-ishq

    bas ek haath meñ do ho ke maiñ zamīñ pe girā

    qazā jo aa.ī adā ho gayā dogāna-e-ishq

    har ek gaam pe dil pīstā hai ablaq-e-chashm

    magar hai surme dumbāla tāziyāna-e-ishq

    jalāyā tuur ko ik dam meñ sā.iqa ban kar

    sharar-fishāñ jo huā sañg-e-āstāna-e-ishq

    ho ḳhāna-e-sadaf-e-dil na kis tarah pur-nūr

    ki aap hai guhar-e-shab-charāġh dāna-e-ishq

    buto ḳhudā ne kahā fis-samā-e-rizqokum aap

    milā hai mujh ko ye haft āsiyā se dāna-e-ishq

    ye sach masal hai buto sab hai ḳhudā razzāq

    nasīb-e-tā.ir-e-dil hai azal se dāna-e-ishq

    jo ḳhaal ban ke ḳhat-e-ruḳh meñ dil rahe merā

    kahūñ maiñ ḳhirman-e-mah meñ milā ye dāna-e-ishq

    kisī ke abrū-e-pur-ḳham dhyān rahtā hai

    hamārā ka.aba-e-dil hai siyāh-ḳhāna-e-ishq

    sadā-e-mātam-e-dil sun ke ḳhush vo hote haiñ

    navā-e-sīna-zanī hai ki shādiyāna-e-ishq

    jo shauq-e-dīd hai muusā tarah ek na sun

    ki lantarānī-e-ishq hai tarāna-e-ishq

    naqāb udhar vo uThā.eñ idhar maiñ aah karūñ

    samand-e-husn pe paḌ jaa.e tāziyāna-e-ishq

    jo toliye ise kaunain tarāzū meñ

    garāñ ho vazn meñ na āsiyā se dāna-e-ishq

    faroġh-e-bazm-e-tasavvur hai yaad pistāñ

    habāb-e-husn bane haiñ charāġh-e-ḳhāna-e-ishq

    ḳhayāl-e-gauhar-e-dandāñ meñ ham jo rote haiñ

    sarishk-e-dīda-e-tar hai dur-e-yagāna-e-ishq

    hai mere dil tarah is se ye pareshāñ-hāl

    milā hai zulf ko husn-e-siyāh-ḳhāna-e-ishq

    chaḌhā jo daar pe āshiq sar huā sardār

    judā hai ḳhāna-e-ālam se kārḳhāna-e-ishq

    ḳhudā ghar ho jo TuuTe jihād-e-nafs se dil

    ḳharāb ho to bane lā-makāñ ye ḳhāna-e-ishq

    vo dil lagā ke suneñ dāstān sūrat

    bayān kījiye us husn se fasāna-e-ishq

    'vazīr' tuḳhm-e-mohabbat ko dil meñ bo apne

    zamīñ vo shor hai jis meñ uge na dāna-e-ishq

    KHuda-numa hai but-e-sang-e-astana-e-ishq

    chalunga pa-e-nigah ban ke su-e-KHana-e-ishq

    na kam hon sikka-e-dagh-e-dil-e-yagana-e-ishq

    bhara paDa rahe yarab sada KHazana-e-ishq

    jabin-e-qais bani sang-e-astana-e-ishq

    junun hai KHema-e-laila siyah-KHana-e-ishq

    mudam dil mein rahe dagh-e-ulfat-e-saqi

    na be-charagh ho yarab sharab-KHana-e-ishq

    ye mahfil-e-tarab-e-husn hai nahin maqtal

    sada gulu-e-burida ki hai tarana-e-ishq

    ye kah ke phirti hai din raat aasiya-e-falak

    mile to KHirman-e-mah de ke lun main dana-e-ishq

    hai aaftab piyala farishta-KHu saqi

    KHam-e-falak hai subu-e-sharab-KHana-e-ishq

    bas ek hath mein do ho ke main zamin pe gira

    qaza jo aai ada ho gaya dogana-e-ishq

    har ek gam pe dil pista hai ablaq-e-chashm

    magar hai surme ka dumbaala taziyana-e-ishq

    jalaya tur ko ek dam mein saiqa ban kar

    sharar-fishan jo hua sang-e-astana-e-ishq

    ho KHana-e-sadaf-e-dil na kis tarah pur-nur

    ki aap hai guhar-e-shab-charagh dana-e-ishq

    buto KHuda ne kaha fis-sama-e-rizqokum aap

    mila hai mujh ko ye haft aasiya se dana-e-ishq

    ye sach masal hai buto sab ka hai KHuda razzaq

    nasib-e-tair-e-dil hai azal se dana-e-ishq

    jo KHal ban ke KHat-e-ruKH mein dil rahe mera

    kahun main KHirman-e-mah mein mila ye dana-e-ishq

    kisi ke abru-e-pur-KHam ka dhyan rahta hai

    hamara kaba-e-dil hai siyah-KHana-e-ishq

    sada-e-matam-e-dil sun ke KHush wo hote hain

    nawa-e-sina-zani hai ki shadiyana-e-ishq

    jo shauq-e-did hai musa ki tarah ek na sun

    ki lantarani-e-ishq hai tarana-e-ishq

    naqab udhar wo uThaen idhar main aah karun

    samand-e-husn pe paD jae taziyana-e-ishq

    jo toliye ise kaunain ki taraazu mein

    garan ho wazn mein na aasiya se dana-e-ishq

    farogh-e-bazm-e-tasawwur hai yaad pistan ki

    habab-e-husn bane hain charagh-e-KHana-e-ishq

    KHayal-e-gauhar-e-dandan mein hum jo rote hain

    sarishk-e-dida-e-tar hai dur-e-yagana-e-ishq

    hai mere dil ki tarah is se ye pareshan-haal

    mila hai zulf ko husn-e-siyah-KHana-e-ishq

    chaDha jo dar pe aashiq ka sar hua sardar

    juda hai KHana-e-alam se karKHana-e-ishq

    KHuda ka ghar ho jo TuTe jihad-e-nafs se dil

    KHarab ho to bane la-makan ye KHana-e-ishq

    wo dil laga ke sunen dastan ki surat

    bayan kijiye us husn se fasana-e-ishq

    'wazir' tuKHm-e-mohabbat ko dil mein bo apne

    zamin wo shor hai jis mein uge na dana-e-ishq

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY