KHuda rakhe meri diwangi ko

ḳhudā rakhe mirī dīvāngī ko

na bhūlā huuñ na bhūlūñgā kisī ko

na kar rusvā mazāq-e-mai-kashī ko

bujhā le be-piye hī tishnagī ko

mire nazdīk tamhīd-e-alam hai

ḳhushī maiñ kah nahīñ saktā ḳhushī ko

luTā kar kā.enāt-e-zindagānī

ba-mushkil aaj paayā hai kisī ko

sahārā le rahā huuñ bebasī kā

mukammal kar rahā huuñ zindagī ko

na samjhā hai na samjhegā zamāna

ḳhudī ke saath rabt-e-be-ḳhudī ko

dikhā kar ik jhalak chhup jaane vaale

nigāheñ DhūñDhtī haiñ phir tujhī ko

ġhazal be-kaif thī muddat se 'rāhī'

duā.eñ do 'jigar' kī shā.irī ko

KHuda rakhe meri diwangi ko

na bhula hun na bhulunga kisi ko

na kar ruswa mazaq-e-mai-kashi ko

bujha le be-piye hi tishnagi ko

mere nazdik tamhid-e-alam hai

KHushi main kah nahin sakta KHushi ko

luTa kar kaenat-e-zindagani

ba-mushkil aaj paya hai kisi ko

sahaara le raha hun bebasi ka

mukammal kar raha hun zindagi ko

na samjha hai na samjhega zamana

KHudi ke sath rabt-e-be-KHudi ko

dikha kar ek jhalak chhup jaane wale

nigahen DhunDhti hain phir tujhi ko

ghazal be-kaif thi muddat se 'rahi'

duaen do 'jigar' ki shairi ko