KHudi kya aur KHudi ka muddaa kya

ḳhudī kyā aur ḳhudī kā mudda.ā kyā

jo banda hai banegā vo ḳhudā kyā

kisī ḳhud-bīñ se hotā āshnā kyā

tujhe dekhā thā duniyā dekhtā kyā

qayāmat-ḳhez jis kī ibtidā ho

phir us kī intihā kā pūchhnā kyā

tire jalvoñ ne fursat hī nahīñ dī

maiñ nairañg-e-zamāna dekhtā kyā

tajallī raaz hai sahrā-e-hastī

harīm-e-husn kā parda uThā kyā

nazar meñ rakh tū apnī hadd-e-imkāñ

duā ko dekh tāsīr-e-duā kyā

karam-gustar faqīr-e-be-navā huuñ

faqīr-e-be-navā kā mudda.ā kyā

takalluf bartaraf maiñ saaf kah duuñ

vafā kyā aur paimān-e-vafā kyā

haqīqat khul ga.ī ai 'rāz' āḳhir

bharam thā 'qādrī' sāhab ko kyā kyā

KHudi kya aur KHudi ka muddaa kya

jo banda hai banega wo KHuda kya

kisi KHud-bin se hota aashna kya

tujhe dekha tha duniya dekhta kya

qayamat-KHez jis ki ibtida ho

phir us ki intiha ka puchhna kya

tere jalwon ne fursat hi nahin di

main nairang-e-zamana dekhta kya

tajalli raaz hai sahra-e-hasti

harim-e-husn ka parda uTha kya

nazar mein rakh tu apni hadd-e-imkan

dua ko dekh tasir-e-dua kya

karam-gustar faqir-e-be-nawa hun

faqir-e-be-nawa ka muddaa kya

takalluf bartaraf main saf kah dun

wafa kya aur paiman-e-wafa kya

haqiqat khul gai ai 'raaz' aaKHir

bharam tha 'qadri' sahab ko kya kya