khul gai khiDki achanak phir bhi mujhko Dar na tha

khul ga.ī khiḌkī achānak phir bhī mujh ko Dar na thā

ab mirī āñkhoñ meñ koī raat kā manzar na thā

bah rahā thā chaar sū ik ret kā dariyā magar

jis jagah par maiñ khaḌā thā rāsta banjar na thā

shahr ke saare makāñ lagne lage haiñ ek se

jis makāñ meñ bhī gayā dekhā merā vo ghar na thā

yaad jab karne lagā tab rañg-e-mausam bhī khulā

log kahte the ki tuġhyānī bharā sāgar na thā

rāste 'premī' sabhī kyuuñ kho ga.e gum ho ga.e

is se pahle itnī gahrī dhund kā manzar na thā

khul gai khiDki achanak phir bhi mujh ko Dar na tha

ab meri aankhon mein koi raat ka manzar na tha

bah raha tha chaar su ek ret ka dariya magar

jis jagah par main khaDa tha rasta banjar na tha

shahr ke sare makan lagne lage hain ek se

jis makan mein bhi gaya dekha mera wo ghar na tha

yaad jab karne laga tab rang-e-mausam bhi khula

log kahte the ki tughyani bhara sagar na tha

raste 'premi' sabhi kyun kho gae gum ho gae

is se pahle itni gahri dhund ka manzar na tha