khul gaya unki masihai ka aalam shab-e-wasl

khul gayā un kī masīhā.ī kā aalam shab-e-vasl

merā dam band hai dete haiñ mujhe dam shab-e-vasl

jeb ke purze uḌe phaT ga.ī mahram shab-e-vasl

mere un ke rahā kuchh aur hī aalam shab-e-vasl

jī meñ hai kahiye mo.azzin se ye hamdam shab-e-vasl

yuuñ na chīḳhā karo ai qibla-e-ālam shab-e-vasl

vo na so.e hoñ judā yā na laḌe hoñ ham se

is tarah kī huī sohbat to bahut kam shab-e-vasl

sub.h hote hī mujhe ashkoñ se muñh dhonā hai

mujh se āñkheñ na churā dīda-e-pur-nam shab-e-vasl

khul gaya un ki masihai ka aalam shab-e-wasl

mera dam band hai dete hain mujhe dam shab-e-wasl

jeb ke purze uDe phaT gai mahram shab-e-wasl

mere un ke raha kuchh aur hi aalam shab-e-wasl

ji mein hai kahiye moazzin se ye hamdam shab-e-wasl

yun na chiKHa karo ai qibla-e-alam shab-e-wasl

wo na soe hon juda ya na laDe hon hum se

is tarah ki hui sohbat to bahut kam shab-e-wasl

subh hote hi mujhe ashkon se munh dhona hai

mujh se aankhen na chura dida-e-pur-nam shab-e-wasl