khul ke milne ka saliqa aapko aata nahin
khul ke milne kā salīqa aap ko aatā nahīñ
aur mere paas koī chor darvāza nahīñ
vo samajhtā thā use pā kar hī maiñ rah jā.ūñgā
us ko merī pyaas kī shiddat kā andāza nahīñ
jā dikhā duniyā ko mujh ko kyā dikhātā hai ġhurūr
tū samundar hai to hai maiñ to magar pyāsā nahīñ
koī bhī dastak kare aahaT ho yā āvāz de
mere hāthoñ meñ mirā ghar to hai darvāza nahīñ
apnoñ ko apnā kahā chāhe kisī darje ke hoñ
aur jab aisā kiyā maiñ ne to sharmāyā nahīñ
us kī mahfil meñ unhīñ kī raushnī jin ke charāġh
maiñ bhī kuchh hotā to merā bhī diyā hotā nahīñ
tujh se kyā bichhḌā mirī saarī haqīqat khul ga.ī
ab koī mausam mile to mujh se sharmātā nahīñ
khul ke milne ka saliqa aap ko aata nahin
aur mere pas koi chor darwaza nahin
wo samajhta tha use pa kar hi main rah jaunga
us ko meri pyas ki shiddat ka andaza nahin
ja dikha duniya ko mujh ko kya dikhata hai ghurur
tu samundar hai to hai main to magar pyasa nahin
koi bhi dastak kare aahaT ho ya aawaz de
mere hathon mein mera ghar to hai darwaza nahin
apnon ko apna kaha chahe kisi darje ke hon
aur jab aisa kiya main ne to sharmaya nahin
us ki mahfil mein unhin ki raushni jin ke charagh
main bhi kuchh hota to mera bhi diya hota nahin
tujh se kya bichhDa meri sari haqiqat khul gai
ab koi mausam mile to mujh se sharmata nahin
Source:
Mera Kiya (Pg. 24)
- Author: Waseem Barelvi
-
- Edition: 2007
- Publisher: Maktaba Jamia Ltd.
- Year of Publication: 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
