khuli kitab ke safhe ulaTte rahte hain
khulī kitāb ke safhe ulaTte rahte haiñ
havā chale na chale din palaTte rahte haiñ
bas ek vahshat-e-manzil hai aur kuchh bhī nahīñ
ki chand sīḌhiyāñ chaḌhte utarte rahte haiñ
mujhe to roz kasauTī pe dard kastā hai
ki jaañ se jism ke baḳhiye udhaḌte rahte haiñ
kabhī rukā nahīñ koī maqām-e-sahrā meñ
ki Tiile pāñv-tale se sarakte rahte haiñ
ye roTiyāñ haiñ ye sikke haiñ aur dā.ere haiñ
ye ek duuje ko din bhar pakaḌte rahte haiñ
bhare haiñ raat ke reze kuchh aise āñkhoñ meñ
ujālā ho to ham āñkheñ jhapakte rahte haiñ
khuli kitab ke safhe ulaTte rahte hain
hawa chale na chale din palaTte rahte hain
bas ek wahshat-e-manzil hai aur kuchh bhi nahin
ki chand siDhiyan chaDhte utarte rahte hain
mujhe to roz kasauTi pe dard kasta hai
ki jaan se jism ke baKHiye udhaDte rahte hain
kabhi ruka nahin koi maqam-e-sahra mein
ki Tile panw-tale se sarakte rahte hain
ye roTiyan hain ye sikke hain aur daere hain
ye ek duje ko din bhar pakaDte rahte hain
bhare hain raat ke reze kuchh aise aankhon mein
ujala ho to hum aankhen jhapakte rahte hain
Source:
Chand Pukhraj Ka (Pg. 170)
- Author: Gulzar
-
- Edition: 1995
- Publisher: Roopa And Company
- Year of Publication: 1995
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
