khuli rakhunga main kamre ki khiDkiyan kab tak

khulī rakhūñgā maiñ kamre kī khiḌkiyāñ kab tak

idhar se guzregā ḳhushbū kā kārvāñ kab tak

musāfiro pe ye rāsta ho mehrbāñ kab tak

zamīn thak ga.ī pahuñchegā kārvāñ kab tak

libās-o-jism pe gard-e-safar to Thahregī

rakhūñ sambhāl ke muTThī meñ kahkashāñ kab tak

zamīn roz ye mujh se savāl kartī hai

tumhāre sar pe rahegā ye āsmāñ kab tak

sikhā do apne charāġhoñ ko āñdhiy.oñ kī zabāñ

rahoge aise havāoñ se bad-gumāñ kab tak

maiñ band kamre meñ tanhā.ī se jalā huuñ miyāñ

saḌak pe āye.gā us jism kā dhuāñ kab tak

vo niiñd lagne se pahle mujhe jagātā hai

karūñ maiñ apnī thakan ko bhī rā.egāñ kab tak

ye baat sach hai farishta sifat nahīñ huuñ maiñ

baḌhā-chaḌhā ke likheñ merī dāstāñ kab tak

khuli rakhunga main kamre ki khiDkiyan kab tak

idhar se guzrega KHushbu ka karwan kab tak

musafiro pe ye rasta ho mehrban kab tak

zamin thak gai pahunchega karwan kab tak

libas-o-jism pe gard-e-safar to Thahregi

rakhun sambhaal ke muTThi mein kahkashan kab tak

zamin roz ye mujh se sawal karti hai

tumhaare sar pe rahega ye aasman kab tak

sikha do apne charaghon ko aandhiyon ki zaban

rahoge aise hawaon se bad-guman kab tak

main band kamre mein tanhai se jala hun miyan

saDak pe aayega us jism ka dhuan kab tak

wo nind lagne se pahle mujhe jagata hai

karun main apni thakan ko bhi raegan kab tak

ye baat sach hai farishta sifat nahin hun main

baDha-chaDha ke likhen meri dastan kab tak