ḳhum na ban kar ḳhud-ġharaz ho jā.iye
misl-e-sāġhar aur ke kaam aa.iye
abr-e-rahmat sunte haiñ naam aap kā
ḳhāksāroñ par karam farmā.iye
aap āhū-chashm haiñ aahū nahīñ
ham se vahshat kī na liije aa.iye
sabr ruḳhsat ho to jaane dījiye
be-qarārī aa.e to Thahrā.iye
jauhar-e-teġh-e-nigah khul jā.egā
muñh na mere zaḳhm kā khulvā.iye
dil meñ hai dikhlā.iye tāsīr-e-ishq
ThanDī sāñsoñ se unheñ garmā.iye
sard aaheñ bharte haiñ jab ham 'nasīm'
kahte haiñ vo ThanDe ThanDe jā.iye
KHum na ban kar KHud-gharaz ho jaiye
misl-e-saghar aur ke kaam aaiye
abr-e-rahmat sunte hain nam aap ka
KHaksaron par karam farmaiye
aap aahu-chashm hain aahu nahin
hum se wahshat ki na lije aaiye
sabr ruKHsat ho to jaane dijiye
be-qarari aae to Thahraiye
jauhar-e-tegh-e-nigah khul jaega
munh na mere zaKHm ka khulwaiye
dil mein hai dikhlaiye tasir-e-ishq
ThanDi sanson se unhen garmaiye
sard aahen bharte hain jab hum 'nasim'
kahte hain wo ThanDe ThanDe jaiye
Source:
Noquush (Pg. B-287 E-303)
-
- Edition: May June 1954
- Publisher: Nuqoosh Press Lahore
- Year of Publication: May June 1954
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.